أعرف أنكم مابتفصرون ( جدول العروس من بنت عذاري )

هلا اختي الغاليه سبايك ...

اول شي مبــــروك عل زواج مقدمآ ( وعقبالنا:sad: )

يوم اتسيرين السوق اشتري مجموعه كامله للعنايه بالبشره ( انا احب ماركه سسلي , كلارنس , استي لودر , كلنك ) شوفي اللي ايناسبج واخذي المجموعه كامله ( غسول ..تونر ..مرطب .. واقي شمس .. سيرومات.. مقشر . ماسك) واشتري المجموعه من ماركه وحده.

من الحين روحي كل اسبوعين للحمام المغربي وخليهم ايسونلج حمام العروس ..

واذا ماتبين اتروحين الصالون سويه بالبيت وهاي موضوعي بيساعدج
((الحمام المغربي)) .. علاج واسترخاء مع روح البحرين

خصصي عل اقل يومين بالاسبوع ( ولا تتكيسلين :angry: ) سوي فيهم خلطات للجسم والويه والشعر
المنتدى مليان بيهم اختاري اللي يعجبج وطبعيهم على اوراق وسوي فايل .

انشاءالله قدرت اساعدج والله ايسر امورج

واذا تبين اي مساعده انا حاظره

اختج

روح البحرين

مشكووره أختي روح البحرين المنتدي ماشالله فيه أشيا وايد وهذا ألي محيرني :sad: وعن الحمام المغربي ببتدي فيه أنشالله من يوم الجمعه ومشكووره

بنات حرام عليكم قولولي عن خلطات مجربينه :sad: والله من كثر الوصفات أحترت :shy:

هلا والله بعروستنا (f)

ربى ايسرلك أمورك ويسهلك دروبك

ويوفقك غاليتى

وأتمنى انك اتجربى بعض الوصفات بدون أن تجهدى بشرتك بها :no:

جربى بعضها فى أول شهر والبعض الآخر فى الشهر الثانى

حتى تنجح الوصفات معك وتتجاوب بشرتك مع مكونات كل وصفه . :up:

تفضلى البعض منها واستمرى عليها اسبوعيا:



جدول بنت عذارى للعروس



الســــــــــبت و الاربعــــــــــاء

خلطة مبرووووووووووك من بنت عذارى لكل عروس

وأنهى الوصفه بدهن الجسم كامل بزيت الخروع + جليسرين سائل
ملعقتين خروع + 3ملاعق جليسرين سائل


الأحـــــــــــد و الخميـــــــــس

المهم لسواد الركب والاكواع والابط

هذى الوصفه للتخلص من سمار الجسم والتصبغات استخدميها لكل منطقه سمراء حتى المؤخرة
والبطن والرقبه وكل مناطق الجسم التى تعانين من سمارها
وتنهين الوصفه بدهن الجسم بزيت السمسم وتنامي به.


الأثنيــــــــــــــــــــن

اجـــــــازة لتهوية مسامات البشرة بلا كريمات ولا لوشن

خذى حمام دافــــــــــىء + بضع قطرات من زيت اللافندر للارتخــاء



ونوما هـــــــــــادئــــا




الثلاثـــــــــــــــــــــاء

وصفة بنت عذارى لبياض العروس

بما أن تقشير الجسم مستمر مع الوصفات نستثنى البيكنج صودا من هذى الوصفه

ونكتفى بالقناع الرائع والتقشير المريح بالشوفان وهذى وصفه لانعاش البشرة وتلميعها

وتنظيف مساماتها وازالة عيوبها وترطيبها


الجمــــــــــــــعه

وصفة بنت عذارى لقدمين ويدين ببياض الثلج

هذا اليــــــــــوم خاص للعنايه باليدين والرجلين من كل اسبوع

لبياض ونعومه حريـــــر حتى تكون اليدين والرجلين تليق بعروسه


وأخيـــــــرا

نعيـــــما ولاتنسينى من صالح الدعــــــاء

وتقبل الله منا ومنك صالح الاعمال

يـــــــــــــــــــــــــــرفع للافادة

بنت عذارى

هلا عزيزتي بس بالأول بدي أهنيك على الزواج والله يتمملكعلى خير ويعينك لأنوالعروس عندها مليون شغلة تساويها قبل زفافها من راسها ل الله يعزك اخمص رجليها أنا الصراحة قرأت جدول للعرايس لبنت عذاري في مجلدهي مساويتو اسمه مجلد وصفاتي مع حبي ( جزاها الله كل خير ) شوفيه وإنشاله يفيدك وإذا إنت من النوع إلى يحب حد يعتني فيه:sad: في كتير من الصالونات بتعملك جدول عندهم مدة شهر أو شهرين والله يوفقك

مشكووره ماتقصرين بنت عذاري :shy: ماتعرفين كيف أستانست يوم حصلت الرد مشكوووره الله يعطيج العافيه حبيبتي

العفو يا قلبى

وانشاءلله تحصلين على نتائج مرضيه مع الاستمرار

وربى يوفقك

تحيــــــــــــاتى

هلا بنت عذاري أختج طلعت عيازه درجه أوووووولا :shy: :sad: يوم أبتديت أسوي سكراب أمحق سكراب عاد وني متحمسه وبسوي ...........تخيلي تعبت والله تعبت وأقول حق أختي أصغر عني يله حتي أنتي لازم أتسوين وشدين حيلج مالت عليه أتفلسف أقولج خبصت الدنيا وسبحت بدون ماكمل .........المهم أختي قالت حق الوالده وتطنز عليه بعدين قالتلي الوالده ليش ماتيبين حرمه أتسويلج هذا كله وبيكون أحسن لنها بتوصل الأماكن الي مابتوصلينها المهم أتصلت حق الحرمه وقالتلي أنا فاضيه تبيني أكون عندج الحين الحرمه ماشالله جاهزه هاهاها حليلها قتلها اوكيه تعالي قلت في خاطريه أنا شو خسرانه بجرب المههم يت المهم طلبت مني بيضه وحليب المهم كسرت البيضه وحطت حليب و ماء ورد وزيت زيتون وعسل وطلعت كيس فيه شي نفس الطحين وبعد ماخلطت هذا كله ريحت الخلطه كأنها ريحت خزاما المهم سألتها قالتلي هذي خلطه مغربيه وهيه زايدتنا ماعرف بشوه نسيت خخخخححح :shy: سوتلي سكراب ولا في الأحلام صدق من الخاطر هب أنا أهمز عمري بدون فايده المهم فقتلها تعاليني ثاني مره قالت بسويلج عدت أشيا من سكراب لماسكات للجسم ورتبت جدوليه معاها وبدخل خلطاتج في الجدول وبخليها هيه أتحججني لني عيازه :shy: سوري طولت

مرحبا .....
لوسمحتي بنت عذاري بغيت اسألج حبيبتي ممكن استبدل خلطة مبروك بخلطة شهر العسل ولا لازم هالخلطه ؟

والجسم مراح يطلع فيه حبوب أو يصير شي اخاف مع الخلطات كلها يصير شي :(

ووالله يعطيج العافيه

sara_daloo3a:
مرحبا .....
لوسمحتي بنت عذاري بغيت اسألج حبيبتي ممكن استبدل خلطة مبروك بخلطة شهر العسل ولا لازم هالخلطه ؟

والجسم مراح يطلع فيه حبوب أو يصير شي اخاف مع الخلطات كلها يصير شي :(

ووالله يعطيج العافيه

هلا الغاليه

ممكن تستبدلين عزيزتى

ولا يتضرر جسمك ولا بشرتك لانك ماراح تفركى ولاتدعكى

واستخدام الوصفات الطبيعيه لا يضر اذا استخدمت بتعقل

ولا تنسين ان هذا الجدول مكثف فقط للعروس

ولكن للبنت العاديه مافى داعى لتكثيف الوصفات

تاخذ وقتها مع كل وصفه وتريح بشرتها

وتحياتى

بنت عذارى

بنت عـــــــذاري جزاج الله الف خير:shy:


صج انتي وروح البحــــرين ربي ينولكم الي فبالكم ان شالله


حتى انا محتاجه للجدول هذا :sad: عرسي قريب وللحين مارتبت شي لجسمي

حرمة خالي مغربيه قالت لي انا بسويلج جدول حق خلطات الجسم ومدري شنو بعد الين وقت عرسج قتلها انشاءالله

وللحين ماقتلها يالله نبدأ مع انها دوم كل ماتشوفني تقولي عروستنا متى تبيني ابدأ معاها



بس خلاص اليوم بقولها يالله نبدأ بالخلطات لانه الاياام تركض ومابقى شي عن العرس


يعطيكم الف عافيه وربي يرزق كل بنت بالزوج الصالح

وااااااووووووووو عن جددددد روعه الجدول


ما شاااااء الله

الله يخليج يابنت عذااارى
والله انج معدن مميز ونااادر


الله يكثر امثالج
ويزيد من افضالج



ياربي متى اكبر واوصل عمر الـ 20 عشان اسوي كل هذا !!


<<<< ملقوفه

الف الف مبروك مسبقا اختي

و اذا احتجتي اي شيء انا حاضرة









من مواضيعي المتميزة
و بستمر العرض ... منتجاتي المنوعة ... بتخفيضات الشهر الكريم
صالونات مغربية رائعة ... ادخلوا
للعناية الفائقة و الدائمة لجسمك ... اليك منتجاتي المضمونة
شباكية وريدات لشميشة المغربية ... بالصور
اللي تحب اي شيء من المغرب انا تحت أمرها ... بأسعار مناسبة

مرحبا اليوم الحرمه يتني وسولتي ماسك للجسم وهوه عباره عن أفكادو وحليب وقشطه وعسل وماء ورد وأضني طحين وخليته علي جسمي ساعه بعد المساج شو رايج يابنت عذاري

سبايك:
مرحبا اليوم الحرمه يتني وسولتي ماسك للجسم وهوه عباره عن أفكادو وحليب وقشطه وعسل وماء ورد وأضني طحين وخليته علي جسمي ساعه بعد المساج شو رايج يابنت عذاري

حلوة الوصفه يا قلبى

وانشاءلله كانت نتائجها حلوة لان المكونات فعلا مفيدة

وربى يحفظك

وتحيـــــــــــــاتى

السلام عليكم

وااااااو ما شاء الله
مشكورة أختي بنت عذاري على جدول الخلطات، فعلا رهييب

و شكرا لصاحبة الموضوع، لاني أنا بعد كنت أريد ها الجدول

بنت عذاري قالتلي الحرمه المشمش وايد مفيد للبشره وقالت أستغلي موسمه ألحين بس أفيد شي الأفوكادو حتي قالتلي لو كل يوم تحطين أفوكادو وشويت عسل وماء ورد وتحطينه في ويهج بينور وبيكون صافي :shy:

سبايك:
بنت عذاري قالتلي الحرمه المشمش وايد مفيد للبشره وقالت أستغلي موسمه ألحين بس أفيد شي الأفوكادو حتي قالتلي لو كل يوم تحطين أفوكادو وشويت عسل وماء ورد وتحطينه في ويهج بينور وبيكون صافي :shy:

هلا غاليتى سبايك (f)

المشمش مفيد لكن الخوخ هو الاروع بكثير

والافوكادو ممتاز لكن لا يصلح للاستخدام اليومى لانه دهنى جدااااااااااااااااا

وزيادة الدهون للبشرة كما قلتها يعنى مضرة

والاعتدال مطلوب فى العنايه للحصول على نتائج ايجابيه

وربى يديم عليك حلاة بشرتك وجمالها

وتحيــــــــــــاتى